بجد يا جماعة فعلاً مش عارفة أقول إيه
وده بالظبط ينطبق على ما حدث في كليتنا الموقرة نوعية بنها والمهذله التي حدثت فيها يوم الإثنين 24/1 بجد وفعلاً مهزله بكل المقاييس يعني إيه مجموعة من الطلاب (وآسفة اني بطلق عليهم طلاب ) تثير الشغب والفساد في الكلية من تكسير للكلية ومكاتبها وزجاجها وإصابات لبعض العاملين فيها وفي الحقيقة هما كان عندهم حق بس ضيعوه بالفساد اللي طلع منهم وبجد خلاهم يبانوا عبارة عن مجموعة من البلطجية لأ والأغرب من ده كله إن كان معظمهم بنات أه والله بس دول مش بنات بالمعني المعروف دول جنس تالت لسه منعرفهوش كائنات غريبة بيطلع من فمها أقذر الكلمات لأ والصدمة الأكبر تهجمهم على البيه العميد وهوآل إيه مستخبي في مكتبه وعلقة الموت اللي أخدها
طيب هو التحضر بيقول أني لو ليا حق أخده بالهمجية ديه صحيح أنتم أضحك عليكوا وأكلتوا البلوظه بس ميبقاش بالمنظر ده أديكوا أنتوا اللي لبستوها في الآخر وخلي ال؟؟؟؟؟؟؟؟؟؟؟ يفرحوا بالهبر اللي هبروها منكم يالا وأهي علقة تفوت ولا حد يموت
بس خلاص
